لبى العيون

لبى العيون الي بها العشق مسموح
مـن سحرهـا ذاب الخفـوق المعـنـى
يامنيـتـي ياغـايـة القـلـب والـــروح
ماغيـرك مــن الخـلـق واحــد فتـنـى

من سهم ودك خافقي حيل مجـروح
ولعيـونـك النـجـلا خـفـوقـي تـغـنـى
ليـت الغـلا نعلـق بـه أيــام ويــروح
مـيـر الـبـلا طــول العـمـر يمتـحـنـى

العيـن تعبهـا السهـر وكثـرة الـنـوح
والخـافـق الملـتـاع جـرحــه يـونــى
عــزاه ياقلـبـن مــن الـهــم مـطــروح
مــن فــارق الــي فــي حيـاتـه تمـنـى

ذايب على شوف الغضي فيه مشفوح
والـزيـن فـــي بـعــده علـيـنـا تـونــى
عـن الخطـا لــو عــاد والله مسـمـوح
مسـمـوح لــو خـلــي علـيـنـا تـجـنـى

لاني قويت أسكت ولاطقت أنا البوح
والحـزن دولـه يـاهـوى بــه سكـنـى
ياعزتـي للـي مــن الـحـب مـجـروح
أنــا أشـهـد أنــه بالـحـيـاة ماتـهـنـى

يالله ياعـالـم بـمــا تـخـفـي الـــروح
تشفـي جـروحـن بالضمـايـر كـونـى
وتزيل همن فـي سمـا خافقـي يلـوح
وتـرد لـي بسـمـة لـهـا سنـيـن عـنـا